काठमाडौं – प्रधानमन्त्री पुष्पकमल दाहाल प्रचण्डले पद तथा गोपनीयताको शपथ लिएका छन् । सोमबार दौरा सुरुवाल लगाएर राष्ट्रपति कार्यालय शीतल निवास पुगेका प्रधानमन्त्री प्रचण्डलाई राष्ट्रपति विद्यादेवी भण्डारीले पद तथा गोपनीयताको शपथ गराएकी हुन् ।

प्रधानमन्त्रीको रुपमा तेस्रोपटक शपथ लिँदा प्रचण्डले पहिलोपटक दौरा सुरुवाल लगाएका हुन् ।

प्रचण्ड २०६५ र ०७३ सालमा प्रधानमन्त्रीमा नियुक्त भएका थिए । त्यसबेला उनले कोट पाइन्ट लगाएर शपथ लिएका थिए ।