काठमाडौं – पछिल्लो चौबीस घण्टामा नेपालभर २५ जना काेराेना संक्रमित थपिएका छन् । स्वास्थ्य तथा जनसंख्या मन्त्रालयका अनुसार आज संक्रमणबाट शून्य जनाको मृत्यु भएको छ ।

मन्त्रालयका अनुसार १ हजार ८४५ जनाको नमुना परीक्षण गर्दा २५ जनामा कोरोना संक्रमण देखिएको हो ।

९८३ जनाको पीसीआर परीक्षण गर्दा २२ जनामा र ८६२ सय जनाको एन्टिजेन परीक्षण गर्दा ०३ जनामा कोरोना संक्रमण पुष्टि भएको मन्त्रालयले नियमित बुलेटिनमार्फत जनाएको हो ।

मन्त्रालयका अनुसार पछिल्लो चौबीस घण्टामा २८ कोरोना संक्रमित निको भएका छन् । नेपालभर अहिले सक्रिय कोरोना संक्रमितको संख्या भने ५६९ पुगेको छ ।