काठमाडौँ – नेपाली बजारमा आज (आइतबार) एकैदिन सुनको मूल्य ३ हजारले बढेको छ ।

नेपाल सुनचाँदी व्यवसायी महासंघका अनुसार आइतबार सुनको मूल्य तोलामा ३ हजार रूपैयाँले बढेर प्रतितोला ९६ हजार रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।

त्यसैगरी, तेजावी सुनको मूल्य पनि ३ हजारले नै बढेर तोलाको ९५ हजार ५ सय रुपैयाँ कायम भएको छ ।

त्यस्तै, आज चाँदीको मूल्य पनि बढेको छ । चाँदीको मूल्य पनि तोलामा ८५ रुपैयाँले बढेर प्रतितोला १ हजार २ सय ५५ रुपैयाँमा कारोबार भएको महासंघले जनाएको छ ।