काठमाडौं – इक्वेडरको एक जेलमा भएको दङ्गामा परेर कम्तीमा पनि १३ जनाको मृत्यु भएको छ ।बुधबार राति जेलमा भएको झडपका क्रममा मृत्यु हुनेको सङ्ख्या १३ पुगेको जनाएका छन् ।

अधिकारिहरुका अनुसार इक्वेडरको दक्षिणपश्चिमी सहरको गावाकील भन्ने स्थानमा रहेको जेलमा बन्दीहरुकाबीचमा झडप भएको जनाइएको छ । अस्पतालमा राखिएका घाइतेहरुमध्ये केहिको मृत्यु भएको छ ।

जेलमा प्राय लागूऔषधका कारोबारीलाई राखिएको छ । उनीहरुका दुई पक्षका बीचमा सो झडप भएको बताइएको छ ।त्यस झडपमा परेर अरु केही घाइते भएका पनि जेल सेवाका अधिकारीहरुले जनाएका छन् ।

उक्त जेलमा रहेका दुई पक्षका बीचमा झडप भएपछि प्रहरीले बल प्रयोग गर्नुपरेको थियो । तर ती दुवै पक्षले आपसमा झगडा गर्ने र जेलका पूर्वाधारहरु तोडफोड गर्न खोजेको थिए ।

यस देशमा यसै वर्षको फेब्रुअरीदेखि देशका विभिन्न जेलमा तोडफोड सुरु गरेका छन् । तीमध्ये अधिकांश जेल लागूऔषधका कारोबारीहरु राखिएका जेलका रहेका छन् ।

यसरी भएका भिडन्तहरुमा परेर फेब्रुअरीदेखि अहिलेसम्म कम्तीमा पनि चार सय जनाले ज्यान गुमाएका यहाँको आन्तरिक व्यवस्थापन मन्त्रालयले जनाएको छ ।