काठमाडौं – पछिल्लो चौबीस घण्टामा नेपालभर ५१ काेराेना संक्रमित थपिएका छन्। स्वास्थ्य तथा जनसंख्या मन्त्रालयका अनुसार आज काेराेना संक्रमणबाट कसैकाे पनि मृत्यु भएको छैन् ।

मन्त्रालयका अनुसार ३ हजार २४ जनाको नमुना परीक्षण गर्दा ५१ जनामा कोरोना संक्रमण देखिएको हो । १ हजार २०६ जनाको पीसीआर परीक्षण गर्दा ४० जनामा र १ हजार ८१८ जनाको एन्टिजेन परीक्षण गर्दा ११ जनामा कोरोना संक्रमण पुष्टि भएको मन्त्रालयले नियमित बुलेटिनमार्फत जनाएको हो।

मन्त्रालयका अनुसार पछिल्लो चौबीस घण्टामा १ सय कोरोना संक्रमित निको भएका छन्। नेपालभर अहिले सक्रिय कोरोना संक्रमितको संख्या भने १ हजार २२३ पुगेको छ ।