डेनमार्कको राजधानी कोपेनहेगनको एक सपिङ मलमा भएको गोली चलेको छ ।

गोली लागि ३ जनाको मृत्यु भएको अन्तर्राष्ट्रिय सञ्चारमाध्यमहरुले जनाएका छन् ।

घटनामा अरु ३ जना गम्भीर घाइते भएका छन् । कोपेनहेगनका प्रहरी प्रमुख सोरेन थोमसेनले पत्रकार सम्मेलन गरेर गोली प्रहारको घटनापछि पक्राउ परेका २२ वर्षीय संदिग्धबारे अनुसन्धान सुरु गरिएको जानकारी दिए ।

पक्राउ गर्दा उनीसँग राइफल र गोलाबारुद पनि बरामद गरेको रहेको डेनिस प्रहरीले जनाएको छ।

गोलाबारीपछि घटनास्थलमा आमाबाबुले आफ्ना छोराछोरी बोकेर भवनबाट दौडिएका दृष्यहरु सार्वजनिक भएका छन् ।

हमला अतिवादी गतिविधिसँग जोडिएको भन्ने विषयमा प्रहरीले थप अनुसन्धान सुरु गरिरहेको छ ।