काठमाडौं – पछिल्लो २४ घण्टामा नेपालमा १९ जनामा कोरोना भाइरस संक्रमण पुष्टि देखिएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ७३१ जनाको पीसीआर विधिबाट परीक्षण गर्दा १४ जनामा संक्रमण पुष्टि भएको छ।

यस्तै १ हजार ८३ जनाको एन्टीजेन विधिबाट परीक्षण गर्दा ५ जनामा कोरोना संक्रमण देखिएको छ। नेपालमा हाल १२४ जना सक्रिय संक्रमित छन् ।

त्यस्तै, गत चौबीस घण्टामा थप १० जना कोरोना भाइरस संक्रमण मुक्त भई डिस्चार्ज भएका छन्। योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६७ हजार ३२० जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ८ प्रतिशत छ । त्यस्तै, गत चौबीस घण्टामा थप ७३ हजार ३०१ जनाले कोरोना भाइरसविरुद्धको खोप लगाएका छन् ।