काठमाण्डौ – चेल्सीका पूर्व प्रशिक्षक फ्रांक लाम्पार्ड फेरी ब्यवसायिक प्रशिक्षणमा फर्किएका छन । उनलाई प्रिमियर लिग क्लव एभर्टनले नयाँ प्रशिक्षकको जिम्मा दिएको छ ।

एभर्टनले नयाँ प्रशिक्षकका रुपमा सार्वजनिक गरेको छ । उनले एभर्टनसँग साँढे २ बर्षका लागि सम्‍झौता गरेका छन ।

उनको सहयोगीका रुपमा चेल्सीका सहायक प्रशिक्षक जोय इडवार्डस, एन्थोनी बारेपनि आउने भएका छन ।

चेल्सीको प्रशिक्षकबाट बर्खास्त भएको एक बर्षपछि फेरी लाम्पार्ड डगआउटमा देखिने भएका छन ।

चेल्सीको प्रशिक्षकमा १८ महिना काम गर्दा क्लव प्रिमियर लिगमा चौथो भएको थियो भने च्याम्पियन्स लिगमा छनोट हुनुका साथै एफ ए कपको फाइनलमा पुगेको थियो ।

यो सिजनमा खराव लयमा रहेको एटर्भनलाई नयाँ लयमा फर्काउने चुनौती लाम्पार्डलाई हुनेछ । हाल एभर्टन प्रिमियर लिगको १६ औं स्थानमा छ । रेलिगेसन जोन भन्दा चार अंकमात्र माथि छ ।