काठमाण्डौँ- म्यानचेस्टर युनाइटेडका युवा खेलाडी मेसनग्रिनवुड पक्राउ परेका छन् ।

बलात्कार र हिंसाको आरोप लागेपछि ग्रिनवुडलाई प्रहरीले पक्राउ गरेको हो ।

एक महिलाले सामाजिक सञ्जालमा पोष्ट गरेको तस्बिर र भिडियोको बारेमा आफूहरुलाई जानकारी गराइएको ग्रेटर म्यानचेस्टर प्रहरीले बताएको छ । मेसनग्रिनवुडलाई हिरासतमा राखेर घटनाबारे सोधपुछ र अनुसन्धान भइरहेको पनि प्रहरी जानकारी दिएको छ ।

२०१९ को मार्चमा क्लबका लागि डेब्यू गरेका २० वर्षीय ग्रिनवुडले भने आफूमाथि लगाइएको आरोपबारे कुनै प्रतिक्रिया दिएका छौनन् ।

यूनाइटेडले थप जानकारी प्राप्त नभएसम्म ग्रिनवुड प्रशिक्षण वा खेलमा नफर्कने जानकारी दिएको छ ।