काठमाण्डौँ । सहिद स्मारक ’ए’ डिभिजन लिग फुटबलमा सोमबार जावलाखेल युथ क्लब र न्युरोड टीम (एनआरटी) प्रतिस्पर्धा गर्दे छन् ।

त्रिपुरेश्वरस्थित दशरथ रंगशालामा हुने नवौं चरणको अन्तिम खेलमा दुबै टीम अंक तालिका सुधारका लागि मैदानमा हुने छन् ।

दिउँसो १ बजे सुरु हुने खेलमा एनआरटी अंक तालिकामा केहि सुरक्षित जोनमा भएपनि शिर्ष ६ मा पुग्ने लक्ष्यमा रहेको छ । ८ खेलमा १० अंक जोडेको एनआरटी अहिले लिगको आठौं स्थानमा रहेको छ ।

जावलाखेलपनि रेलिगेशन जोनभन्दा केहि माथि रहेपनि थप सुरक्षित स्थानमा पुग्न चाहन्छ । जावलाखेलले ८ खेलमा ८ अंक जोडेको छ र जावलाखेल अहिले दशौँ स्थानमा रहेको छ।

त्यसैले एनआरटीलाई हराएर अंक तालिका सुधारको प्रयासमा हुने छ ।