यू–१९ राष्ट्रिय क्रिकेट प्रतियोगितामा बागमति प्रदेशले दोस्रो जित हात पारेको छ।
आज मुलपानी मैदानमा भएको खेलमा बगमतिले कर्णाली प्रदेशलाई १ विकेटको झिनो अन्तरले पराजित गरेको हो । कर्णालीले दिएको ७९ रनको झिनो लक्ष्य बागमतिले १९.५ ओभरमा ९ विकेट गुमाएर पार ग¥यो।
बागमतिका लागि विवेक मगरले १८ रन जोडे । अन्य ब्याट्सम्यान सस्तैमा आउट भए । बलिङमा कर्णालीका अनुज चुनाराले ५ विकेट लिए पनि जितका लागि पर्याप्त हुन सकेन ।
उनले पहिलो ओभरमै बागमतिका दुवै ओपनरलाई आउट गरेका थिए । त्यसअघि पहिले ब्याटिङ गरेको कर्णाली २७.१ ओभरमा ७८ रनमै अलआउट भयो । जारी प्रतियोगितामा बागमतिले ५ खेलमा २ जित हात पारेको छ। कर्णाली भने ५ खेलमा एक जित निकाल्दै पुछारमा छ।
यता सूदूरपश्चिमले पनि दोस्रो जित हात पारेको छ। सुदूरपश्चिमले कीर्तिपुर मैदानमा भएको खेलमा गण्डकीलाई ४ विकेटले पराजित ग¥यो। गण्डकीले दिएको २१० रनको लक्ष्य सुदूरपश्चिमले ४ बल बाँकी छदा ६ विकेट गुमाएर पार ग¥यो ।