काठमाण्डौँ । नेपाल क्रिकेट संघ क्यानको भर्चुअल बैठक आज हुँदै छ । विहान ११ बजेपछि जुममार्फत बैठक बस्न लागेको क्यान निकट स्रोतले जनाएको छ ।

पछिल्लो समय सामाजिक सञ्जाल लगाएतमा क्यान सुतेको भन्दै आलोचना भइरहेका बेला आज हुन लागेको भर्चुअल छलफललाई अर्थपूर्ण तरिकाले हेरिएको छ । क्यानका सबै पदाधिकारी र सदस्यहरु काठमाडौंमा उपलव्ध हुन नसकेपछि भर्चुअलरुपमै बैठक गर्न लागिएको जनाइएको छ ।

आजको बैठकमा नेपाली राष्ट्रिय पुरुष टिमका मुख्य प्रशिक्षक नियुक्तिको विषयमा छलफल हुने छ । ६० जनाले आवेदन दिएकोमा त्यसको प्रक्रिया अघि बढेको बताइएको छ । प्रशिक्षक नियुक्ति भएपछि बन्द प्रशिक्षण कसरी शुरु गर्ने भन्ने विषयमा पनि छलफल हुने छ ।

यसैगरी अहिले प्रदेश प्रदेशमा भइरको यु १९ प्रतियोगिताको प्रारम्भिक समिक्षा गर्नुका साथै आसन्न प्रधानमन्त्री कपका विषयमा पनि छलफल हुने छ ।