एजेन्सी । आईसीसी टी २० विश्वकप क्रिकेटमा अस्ट्रेलिया सेमिफाइनलमा प्रवेश गरेको छ । वेस्टइन्डिजविरुद्ध जित दर्ता गरेको अस्ट्रेलियाले दक्षिण अफ्रिका र इंग्ल्याण्डबीचको खेलको नतिजा कुरेको थियो ।

१९० रनको लक्ष्य पछ्याएको इंग्ल्याण्डले १३१ प्लस रन बनाएसँगै अस्ट्रेलिया सेमिफाइनलमा प्रवेश गरेको हो । १८९ रन बनाएको दक्षिण अफ्रिकाले इंग्ल्याण्डलाई १३१ भन्दा कम रनमा रोक्नु पर्ने थियो ।

योसँगै समूह एबाट इंग्ल्याण्ड र अस्ट्रेलियाले सेमिफाइनलमा स्थान बनाउँदा समूह बीबाट पाकिस्तानले सेमिफाइनलमा स्थान पक्का गरिसकेको छ ।

अब आइतबार अफगानिस्तान र न्यूजिल्याण्डबीचको खेलको नतिजाले दोस्रो टिमको भविष्य निर्धारण गर्ने छ । न्यूजिल्याण्ड विजयी हुँदा सिधै सेमिफाइनल पुग्ने टिमको टुंगो लाग्ने छ भने पराजित हुँदा भारतको पनि झिनो सम्भावना कायमै रहने छ ।