माल्दिभ्समा जारी साफ च्याम्पियनसिप फुटबलको दोस्रो खेलमा आज नेपालले श्रीलंकासँग खेल्नेछ ।

मालेस्थित राष्ट्रिय फुटबल रंगशालामा नेपाली समय अनुसार राती पौने १० बजे यो खेल सुरु हुनेछ ।

प्रतियोगिताको पहिलो खेलमा माल्दिभ्सलाई १–० ले हराएको नेपाल आज लगातार दोस्रो जितको खोजीमा रहनेछ ।

उता पहिलो दिनको खेलमा बंगलादेशसँग हारेको श्रीलंका पनि आज नेपाललाई हराउँदै प्रतियोगितामा पहिलो जित निकाल्न चाहन्छ ।

५ टोली सहभागि प्रतियोगिताको समुह चरणमा सबै टोलीले एक अर्कासँग खेल्नेछन् । समुहका शिर्ष दुई टोलीले उपाधिको लागि प्रतिस्पर्धा गर्नेछन् ।

आजको पहिलो खेलमा उपाधि दावेदार भारतले बंगलादेशको सामना गर्नेछ ।