काठमाडौँ – भौगोलिक दृष्टिले अति विकट मानिने दक्षिण ललितपुरको वाग्मती गाउँपालिका–४ प्यूटारमा प्रत्येक शनिबार हाट बजार खुल्ने भएको छ ।
स्थानीयस्तरमा उत्पादित फलफूलका साथै तरकारी तथा अन्यबाली खरिद बिक्रीका लागि सो बजार सञ्चालन गर्न लागिएको हो । वाग्मतीका साथै नजिकै रहेका गाउँवासीको समेत उत्पादन सङ्कलन गरी बजारमा बिक्री गर्न राखिने वडाध्यक्ष नारायणबहादुर घलेले बताए ।
उनले भन्नुभयो, “सुरुआतका केही समयमा हप्ताको एक दिन मात्रै बजार खुलाउने छलफल भएको छ, किसानको आर्थिकस्तर उकास्न १० कोठाको ट्रस्ट निर्माण गरी शनिबार मात्रै उद्घाटन ग¥याँ ।” सो बजारको आठ कोठामा शनिबार मात्रै स्थानीयस्तरमा उत्पादित कोदो, फापर, गुन्द्रुक, चिया, कफी, मकै, धान, मासु, फलफूल, तरकारी र लत्ताकपडा आदि बस्तु राखेर बिक्री गरिएको घलेले जानकारी दिए ।
प्रतिक्रिया