आईसीसी टी २० विश्वकप क्रिकेटमा इंग्ल्याण्ड ८ विकेटले विजयी भएको छ । गयराति भएको खेलमा इंग्ल्याण्डले अस्ट्रेलियालाई ८ विकेटले पराजित गर्दा सेमिफाइनल नजिक पुगेको छ ।

तीन खेलमा शतप्रतिशत जितको नतिजा निकालेको इंग्ल्याण्डको तालिकामा ६ अंक रहेको छ भने उ शीर्ष स्थानमा रहेको छ । इंग्ल्याण्डले अब श्रीलंका र बंग्लादेशसँग प्रतिस्पर्धा गर्न बाँकी छ ।

पराजित भएको अस्ट्रेलिया तेस्रो स्थानमा झरेको छ ।
इंग्ल्याण्डले जित निकाल्दै त्यसको फाइदा दक्षिण अफ्रिकालाई भयो र उ दोस्रो स्थानमा उक्लियो । अस्ट्रेलिया र दक्षिण अफ्रिका दुवै टिमको समान चार अंक रहे पनि रन रेटमा अफ्रिका अघि रहेको हो ।

इंग्ल्याण्डले टस जितेर पहिला बलिङ राजेको थियो । पहिला ब्याटिङ गरेको अस्ट्रेलियाले निर्धारित ओभरमा १२५ रन मात्रै बनाउन सक्यो ।

एरोन फिन्चले सर्वाधिक ४४ रन बनाएका थिए । यसैगरी एस्टोन अगरले २० रनको योगदान गरेका थिए । दक्षिण अफ्रिकाका क्रिस जोर्डनले ३ विकेट लँदा क्रिस वोक्स, टेमल मिल्सले समान दुई दुई विकेट लिए ।

१२६ रनको लक्ष्य इंग्ल्याण्डले ११.४ ओभरमा मात्र २ विकेट गुमाएर पुरा गरेको थियो । इंग्ल्याण्डलाई जिताउनका लागि जेस बटलरले ७१ रनको नटआउट पारि खेल्दा जोनी वेरिस्टा १६ रनमा नटआउट रहेका थिए ।

यसैगरी जोसन रोयले २२ रनको योगादन गर्दा डेभिड मलना ८ रनमा आउट भएका थिए । अस्ट्रेलियाका एडम जाम्पा र एस्टोन अगरले समान एक एक विकेट लिए ।