इंग्लिस प्रिमियर लिगको प्रि सिजन अन्तर्गत मैत्रीपूर्ण खेलमा म्यानचेस्टर युनाइटेड पराजित भएको छ ।

गयराति भएको खेलमा क्विन्स पार्क रेन्जर्स (क्यूपीआर)सँग ४–२ गोलको फराकिलो अन्तरले पराजित भएको हो ।

युनाइटेडले शुरुआती अग्रता लिाए पनि उक्त अग्रता जोगाउन असफल रहेको थियो । जेसस लिंगार्डले तेस्रो मिनेटमै गोल गर्दै युनाइटेडलाई अग्रता दिलाएका थिए ।

सातौं मिनेटमा क्यूपीआरले बराबरी गोल गरेको थियो । उसका लागि चार्ली अस्टिनले बराबरी गोल गरेका थिए । पहिलो हाफ एक एक गोलको बराबरीमा सकिएको थियो ।

५२ औं मिनेटमा लिन्डन डायक्सले गोल गरेपछि क्यूपीआरले अग्रता २–१ बनाएको थियो । ५८ औं मिनेटमा मोसेस ओडुवजोले गोल गर्दा ३–१ ले अघि बढ्यो ।

५९ औं मिनेटमा डायक्सले गोल थपेपछि क्यूपीआर ४–१ अघि बढेको थियो । ७३ औं मिनेटमा एन्थोनी एलांगाले गोल फर्काउँदै अन्तर ४–२ मा झारे पनि हार टार्न पर्याप्त भएन् ।