काठमाडौँ – नेकपा एमालेका अध्यक्ष एवं प्रधानमन्त्री केपी शर्मा ओली र वरिष्ठ नेता माधवकुमार नेपालबीच भेटवार्ता भएको छ । कार्यदलस्तरमा भएको छलफल सकारात्मक भएपछि ओली र नेपालबीच भेटवार्ताको वातावरण बनेको एमाले स्रोतले जानकारी दिएको छ ।

स्रोतका अनुसार भेटवार्ता आजै मेरियट होटलमा शुरु भएको बताइएको छ । यस अघि पनि मेरियट होटलमा ओली र नेपालबीच वार्ता भएको थियो । सोमबार सक्रिय भएको कार्यदलले तीन दिन लगातार छलफल गरेपछि सहमतिको नजिक पुगेको कार्यदलका सदस्यहरुले आजै बताएका थिए ।