काठमाडौं – नेपालमा अमेरिकामा बनेको कोरोनाविरुद्धको जोन्सन एण्ड जोन्सन खोप ल्याइदै छ ।

कोभ्याक्स सुविधामार्फत जोन्सन एण्ड जोन्सनको करिब साढे १५ लाख डोज खोप आउने बताइएको छ । खोप आउने भएपछि स्वास्थ्य तथा जनसंख्या मन्त्रालयले उक्त खोप आयात अनुमति सिफारिस गर्नको लागि औषधि व्यवस्था विभागलाई पत्राचार गरिसकेको छ।

मन्त्रालय उच्च स्रोतका अनुसार १५ लाख ३४ हजार ८ सय ५० डोज खोप आउने निश्चित भएको हो। जोन्सनको यो खोप एक डोज मात्रै लगाउँदा हुन्छ। चाइनिज खोज भेरोसेल र इन्डियन कोभिसिल्ड जस्तो दुई डोज लगाइरहनु पर्दैन।

यसअघि अमेरिकी राष्ट्रपति जोन वाइडेनले कोरोनाविरुद्धको खोप दिने घोषणा गरेका थिए। सोही घोषणाअनुसार कोभ्याक्स सुविधामार्फत जोन्सन एण्ड जोन्सन खोप आउन लागेको हो। अहिले आएर बल्ल १५ लाख ३४ हजार ८ सय ४० डोज खोप दिन निश्चित भएको हो। हालसम्म नेपालमा भारतको सिरम कम्पनीको कोभिसिल्ड खोप, चीनको भेरोसेल खोप आएको छ।