ट्वान्टी–ट्वान्टी क्रिकेट श्रृङ्खलाको उपाधि इंग्ल्याण्डले जितेको छ ।

तेस्रो ट्वान्टी–ट्वान्टी क्रिकेट श्रृङ्खलाअन्तर्गत गएराति भएको खेलमा श्रीलङ्कालाई ८९ रनले हराउँदै इंग्ल्याण्डले श्रृङ्खला ३–० ले आफ्नो पक्षमा पारेको हो ।

इंग्ल्याण्डले दिएको १ सय ८१ रनको लक्ष्यसहित जवाफी ब्याटिङ गरेको श्रीलङ्काले १८ ओभरमा ५ बलमा अलआउट भएर ९१ रन मात्र बनाउन सक्यो । श्रीलङ्काकाका लागि बिनुरा फर्नान्डोले सर्वाधिक २० रन बनाए ।

ओसडा फर्नान्डोले १९ रन जोड्दा निरोशन डिक्वेलाले ११ रन जोडे । इंग्ल्याण्डका डेभिड विलीले ३ तथा साम कुरानले २ विकेट लिए । यसअघि पहिले ब्याटिङ गरेको इंग्ल्याण्डले २० ओभरमा ६ विकेट गुमाएर १ सय ८० रन बनाएको थियो । इंग्ल्याण्डका डाविड मालनले ७६ रन, जोनी बेयर्स्टोले ५१, लियाम लिभिङस्टोनले १४ रनको योगदान गरे ।

यस्तै, साम करण ९ र क्रिस जोर्डन ८ रनमा अविजित रहे । श्रीलङ्का दुश्मन्था चामिराले ४ विकेट लिए भने बिनुरा फर्नान्डो र इसुरु उडानले एकरएक विकेट लिए ।
पहिलो खेलमा इंग्ल्याण्ड ८ विकेट र दोस्रो खेलमा ५ विकेटले विजयी भएको थियो ।