बोलिभियालाई २–० ले हराउँदै उरुग्वे कोपा अमेरिका फुटबलको क्वाटरफाईनलमा प्रवेश गरेको छ ।

ब्राजिलमा शुक्रबार सम्पन्न खेलमा उरुग्वेका लागि एडिन्सन काभानीले एक गोल गरे । बोलिभियाका कार्लोस लाम्पेले एक आत्माघाति गोल गरेका थिए ।

जितसँगै उरुग्वेले ३ खेलबाट ४ अंक जोड्दै प्रतियोगिताको क्वाटरफाईनलमा ठाउँ पक्का गर्‍यो । यही समुहको अर्को खेलमा अहिले पाराग्वेले चिलीलाई पनि २–० ले पराजित गर्दै क्वाटरफाइनलमा स्थान पक्का गरेको छ ।

समुह ए को अंक तालिकामा अर्जेन्टिना ७ अंहसहित शिर्ष स्थानमा छ ।

पाराग्वे ६ अंकसहित दोस्रो स्थानमा छ भने चिली पाँच अंकका साथ तेस्रो स्थानमा रहेको छ । ४ अंक जोडेको उरुग्वे चोथो स्थानमा छ ।