चितवन गणतन्त्र दिवसको अवसरमा चितवन कारागारमा कैद भुक्तान गरिरहेका १४ कैदीलाई आममाफी दिइएको छ।

सरकारले गणतन्त्र दिवसको अवसरमा ५० प्रतिशतभन्दा बढी कैद सजाय भुक्तान गरिसकेका र आचरणमा सुधार आएका कैदीहरुलाई आममाफी दिने गर्छ। कारागारले गरेको सिफारिसका आधारमा १४ कैदीको बाँकी कैद सजाय राष्ट्रपतिले मिनाहा गरेकी हुन्।

कैद मिनाहा पाउनेमा सवारी ज्यान मुद्धाका ८ जना, ज्यान मार्ने उद्योगका ३ जना, चोरीका एक जना, लापरबाही ज्यान मुद्धाका एक जना र कर्तव्य ज्यान मुद्धाका एक जना कैदी रहेको चितवन कारागारका प्रमुख जेलर कमल काफ्लेले जानकारी दिए।

अब कागारमा तीन आश्रित बालिका र ६६३ जना कैदीबन्दी रहेका छन्। जसमध्ये ४९ जना महिला र ६१४ जना पुरुष कैदीबन्दी छन्।