काठमाण्डौ – व्यावसायिक रेडियोहरुको छाता सङ्गठन ब्रोडकास्टिङ एशोसिएसन अफ नेपाल बान का अध्यक्ष चन्द्र न्यौपानेको निधन भएको छ । न्यौपानेको ४७ वर्षको उमेरमा शुक्रबार बिहान निधन भएको हो ।

कोरोना भाइरसको सङ्क्रमण भएपछि उहाँको ९ दिनदेखि विराट नर्सिङ होममा भेन्टिलेटरमा उपचार भइरहेको थियो ।

इटहरीबाट सञ्चालित रेडियो सप्तकोशीका सञ्चालक समेत रहेका न्यौपानेले नेपालमा एफ रेडियोको संस्थागत विकासका लागि महत्त्वपूर्ण भूमिका खेलेका थिए । न्यौपाने विज्ञापन बोर्डका सदस्य समेत थिए ।

उहाँका श्रीमती, एक छोरा र एक छोरी छन् ।