काठमाडौं । नेपाल पत्रकार महासंघका अध्यक्ष विपुल पोखरेल चढेको कार दुर्घटनामा परेको छ । पाेखरेलकाे प्रदेश ३-०१, ०२२ च ९२२६ नम्बरको कार दाङको तुलसीपुरमा दुर्घटनामा परेको हो ।

कारलाई तुलसीपुरको उद्योग वाणिज्य संघ नजिकै रा १ च ९५५ को स्काेर्पियाेले ठक्कर दिएको हो । दुर्घटनामा परी नेपाल पत्रकार महासंघ दाङ शाखाका पूर्वअध्यक्ष तथा वर्तमान सल्लाहकार सुदीप गौतमको टाउकोमा सामान्य चोट लागेको छ भने अरू सकुशल रहेको बताइएको छ ।

कारमा दाङ शाखाका अध्यक्ष दुर्गालाल केसी, शाखा उपाध्यक्ष सन्तोष सुवेदी र सल्लाहकार गौतम सवार थिए ।