कोरोना भाइरसको संक्रमणबाट नेकपा एमालेका नेता पशुपति चौलागाईंको निधन भएको छ।
![](https://deshantarnews.com/wp-content/uploads/2021/05/pasupati-chaulagai.jpg)
वाग्मती प्रदेशसभाका सदस्य चौलागाईँको उपचारका क्रममा स्वयम्भुस्थित मनमोहन अस्पतालमा मंगलबार राति निधन भएको हो।
कोरोना संक्रमण देखिएपछि उनी होम आइसोलेशनमा बसेका थिए । स्वास्थ्यमा गम्भीर समस्या देखिएपछि चौलागाईंलाई वैशाख २२ गते भर्ना गरिएको थियो।
स्वास्थ्यमा समस्या देखिएपछि उनको वैशाख २० गते पिसीआर परीक्षण गरिएको थियो । चौलागाईंलाई वैशाख २१ गते कोरोना संक्रमण पुष्टि भएको हो । नेता चौलागाईं दोलखा (ख) बाट प्रदेशसभा सदस्यमा निर्वाचित भएका थिए।
युवा संघका पूर्व अध्यक्ष चौलागाई यसअघि दोलखाबाट दुई पटक संघीय संसदको सांसदमा निर्वाचित भएका थिए।
प्रतिक्रिया