काठमाडौं । काठमाडौं महानगरपालिका–१५ ठूलोभर्‍याङमा तीन वटा सवारी एकआपसमा ठक्कर खाएर दुर्घटना हुँदा एक जनाको मृत्यु भएको छ ।

बिहीबार बिहान बा.१७ च ९२८३ नम्बरको गाडी, बा.१ ज ३८८६ नम्बरको ट्याक्सी र प्रदेश २–०२४ प ४७४२ नम्बरको स्कुटर एक–आपसमा ठोक्किँदा एक युवकको मृत्यु भएको हो ।

मृत्यु हुनेमा छाउनी बस्ने १९ वर्षीय सुजन बज्राचार्य रहेको प्रहरी प्रधान कार्यालयको समाचार शाखाले जानकारी दिएको छ । दुर्घटनामा गम्भीर घाइते भएका बज्राचार्यको शिक्षण अस्पताल महाराजगञ्जमा उपचारको क्रममा मृत्यु भएको हो । ट्याक्सी र गाडीका चालकलाई प्रहरीले नियन्त्रणमा लिएको छ ।