काठमाडौं – नेपालमा थप १५२ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर कुल १५२ जना संक्रमित थपिएको जानकारी दिएको हो । अहिलेसम्म कुल २ लाख ७७ हजार ४६१ संक्रमित पुगेका छन् । नेपालमा हाल सक्रिय कोरोना संक्रमितको संख्या १ हजार ५७९ रहेको छ ।

त्यस्तै पछिल्लो २४ घण्टामा ६५ जना संक्रमण मुक्त भएका छन् भने अहिलेसम्म २ लाख ७२ हजार ८५१ जना संक्रमण मुक्त भएका छन् । नेपालमा कोरोना निको हुने प्रतिशत ९८.४ रहेको मन्त्रालयले जनाएको छ । पछिल्लो २४ घण्टामा ४ हजार २१३ पिसिआर परिक्षण भएको छ भने नेपालमा अहिलेसम्म कुल पिसिआर २२ लाख ७५ हजार ५४० पुगेको छ ।

त्यस्तै क्वारेन्टाइनमा ६३ जना रहेका छन् । त्यस्तै आइसोलेसनमा १ हजार ५७९ जना रहेका छन् । पछिल्लो २४ घण्टामा कोरोनाबाट १ जनाको मृत्यु भएको स्वास्थ्य मन्त्रालयले जानकारी दिएको छ । अहिलेसम्म कोरोनाबाट मृत्यु हुनेको संख्या ३०३१ रहेको छ । यसरी नेपालमा अहिले कोरोना संक्रमणबाट मृत्यु हुनेको प्रतिशत १.०९ रहेको मन्त्रालयले जानकारी दिएको छ ।