काठमाडौं। नेपाल कम्युनिष्ट पार्टी माओवादी केन्द्र का अध्यक्ष पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच आधा घन्टा कुराकानी भएको छ ।

सभापति देउवालाई भेट्न उनकै निवास बूढानिलकण्ठ पुगेका अध्यक्ष प्रचण्डले ओली नेतृत्वको सरकार हटाएर देउवाको नेतृत्वमा नयाँ सरकार गठन गर्ने प्रस्ताव अघि सारेका छन् ।

सर्वोच्च अदालतले एमाले र माओवादी केन्द्र ब्युँतिएपछि पटक पटक सत्ता साझेदारीका सभापति देउवानिवास पुग्ने गरेका छन् । मंगलबार पनि एमाले अध्यक्ष एवं प्रधानमन्त्री केपी शर्मा ओलीलाई दिएको समर्थन फिर्ता लिन लागेको र देउवाको नेतृत्वमा नयाँ सरकार बनाउन अध्यक्ष प्रचण्डले देउवासँग प्रस्ताव गरेका छन् ।

तर, सभापति देउवाले समय अझै परिपक्व भइनसकेको र पार्टी अहिले नै सरकारमा नगएर प्रतिपक्षकै भूमिका निर्वाह गर्ने बताएका छन् ।