काठमाडौ । कलंकीमा गएराति टिप्परको ठक्करबाट एक पैदलयात्रीको मृत्यु भएको छ

शनिबार राति बल्खुबाट थानकोट जाँदै गरेको बा १ ख ५८९३ नम्बरको टिप्परले ठक्कर दिँदा करिब २४÷२५ वर्षीय पुरुषको मृत्यु भएको महानगरीय प्रहरी परिसरका डीएसपी प्रमेश विष्टले जनाकारी दिए।

डीएसपी विष्टका अनुसार मृतकको परिचय भने खुलेको छैन्। कलंकी चोकको जेब्राक्रसबाट बाटो काट्दै गरेका ती युवा टिपरको ठक्करबाट गम्भीर घाइते भएको र उनको उपचारका क्रममा त्रिवि शिक्षण अस्पताल महारजगञ्जमा मृत्यु भएको हो।

प्रहरीले ठक्कर दिने टिपर र त्यसका चालकलाई नियन्त्रणमा लिएर थप अनुसन्धान गरिरहेको जनाएको छ।