काठमाडौं । राष्ट्रिय प्रजातन्त्र पार्टीका अध्यक्ष कमल थापाले​ नेकपा माओवादी केन्द्रका अध्यक्ष पुष्पकमल दाहाल प्रचण्ड लाजमर्दो राजनीतिमा लागेको बताएका छन्।

सामाजिक सञ्जाल ट्वीटरमा थापाले यस्तो आरोप लगाएका हुन् । दुई पटक प्रधानमन्त्री भइसकेका र केहीदिन अघिसम्म एउटै पार्टीमा रहेका प्रधानमन्त्री केपी शर्मा ओलीलाई दाहालले वर्षौंदेखि विदेशीबाट पालित पोषित एजेन्ट आरोप लगाएको सुन्दा आश्चर्य लागेको थापाले लेखेका छन्।

​तर, यस्तो गम्भीर आरोप लगाउँदा पनि दाहालले वर्तमान सरकारलाई दिएको समर्थन कायमै राखेर लाजमर्दो राजनीति गरेको थापाले ट्वीटमा उल्लेख गरेका छन्।

​