अमेरिकी खोप कम्पनी मोर्डेनाले बालबालिका लागि खोप परीक्षण सुरु गरेको छ । ६ महिनादेखि १२ वर्ष उमेर समुहका बालबालिकामा मोर्डेनाले खोप परीक्षण सुरु गरेको हो ।

जसमा अमेरिका र क्यानाडाका ६ हजार ७ सय ५० बालिबालिकालाई सामेल गराइएको छ । यसअघि मोर्डेनाको यो खोप १८ वर्ष माथि उमेर समुहका किशोर किशोरीमा परीक्षण गरिएको थियो।

मोर्डेनाले नेशनल इन्स्टिच्युट अफ एलर्जी एण्ड इन्फेक्शन डिजिज र बायोमेडिकल एडभान्स रिसर्च एण्ड डेभलपमेन्ट अथोरिटीको सहयोगमा खोप अभियान अघि बढाएको हो । परीक्षणका क्रममा आफ्ना बालबालिकालाई खोप लगाउन अभिभावकहरु उत्साहित भएको जनाइएको छ ।