इटालियन सिरि एमा युभेन्टस बिजयी भएको छ । युभेन्टसले रोमालाई २–० गोल अन्तरले पराजित गर्दै तालिकामा ४२ अंक बनाउँदै तेस्रो स्थानमा छ ।

४५ अंक भएको एसी मिलान दोस्रो स्थानमा छ । युभेन्टसलाई जिताउनका लागि क्रिष्टियानो रोनाल्डोले एक गोल गर्दा एक गोल भने उपहार पाएको थियो ।

युभेन्टसको घरेलु मैदानमा अल्भारो मोराटाको पासमा रोनाल्डोले १३ औं मिनेटमा गोल गर्दै अग्रता दिलाएका थिए ।

पहिलो हाफमा एक गोल गरेको युभेन्टसले दोस्रो हाफमा भने गोल उपहार पाएको थियो । रोमाका रोबर इब्नेजले ६९ औं मिनेटमा बल किलियर गर्न खोज्दा आफ्नै पोस्टमा प्रहार गरेपछि युभेन्टस २–०ले विजयी भयो ।

जारी लिगमा युभेन्टसले २० खेलबाट ४२ अंक जोड्दा २१ खेलबाट ४० अंकसहित तालिकाको चौथो स्थानमा छ ।