स्पेनिस ला लिगा फुटबलमा रियल मड्रिड विजयी भएको छ । शनिबार राति रियलले हुयस्कालाई २–१ गोल अन्तरले पराजित गरेको हो ।

यो खेलमा पहिलो गोल भने हुयस्काले गरेको थियो । रियलले पुनरागमन जित दर्ता गर्न सफल रह्यो ।
पहिलो गोल घरेलु मैदानमा हुयस्काका लागि ४८ औं मिनेटमा जाभी गलनले गरेका थिए ।

एक गोलले पछि परेको ७ मिनेट पछि राफायल भारानेले गोल गर्दै रियललाई खेलमा फर्काएका थिए । ८४ औं मिनेटमा उनै भारानेले व्यक्तिगत दोस्रो गोल गर्दा रियल पनि २–१ गोल अन्तरले विजयी हुन सफल भयो । शनिबारको नतिजासँगै रियल २१ खेलबाट ४३ अंकका साथ दोस्रो स्थानमा उक्लिएको छ ।