युभेन्टसले कोपा इटालियाको सेमिफाइनल अन्तर्गत पहिलो लेगमा इन्टर मिलानमाथि २–१ गोलको जित दर्ता गरेको हो ।

युभेन्टसले गरेका दुवै गोल क्रिष्टियानो रोनाल्डोले गरेका हुन् ।

लाउटारो मार्टिनेजले नवौं मिनेटमै गोल गर्दै इन्टर मिलानलाई शुरुवाती अग्रता दिलाएका थिए ।
इन्टरका एस्ले योङले जुहान कार्डाडोलाई फल गरेपछि दिइएको पेनाल्टीलाई २६ औं मिनेटमा रोनाल्डोले युभेन्टसका लागि बराबरी गोल गरेका थिए ।

यसैगरी पहिलो हाफकै ३५ औं मिनेटमा रोनाल्डोले टिम र व्यक्तिगत दोस्रो गोल गरेपछि युभेन्टस २–१ ले अघि बढ्यो । उक्त अग्रता अन्तिमसम्म जोगाउँदै जित दर्ता गर्न सफल भयो ।
खेल अवधिभर ९ पहेलो कार्डको प्रयोग भएका थिए । तीमध्ये युभेन्टसका खेलाडीले मात्र ६ वटा पहेलो कार्ड पाएका थिए ।

कोपा इटालिया उपाधि युभेन्टसले १३ पल्ट जितेको छ । फाइनल प्रवेशका लागि निर्णायक मानिने दोस्रो लेग युभेन्टसको घरेलु मैदानमा अर्को साता हुनेछ ।