इंग्लिस प्रिमियर लिग फुटबलमा लिभरपुल विजयी भएको छ । विहीबार राति भएको खेलमा कठिन प्रतिद्वन्द्वी टोटनह्याममाथि ३–१ गोल अन्तरको जित दर्ता गरेको हो ।

पछिल्ला पाँच खेलमा जित निकाल्न नसकेको लिभरपुल टोटनह्याममाथि जित निकाल्दै लय समात्न सफल भएको छ । जितसँगै लिभरपुल चौथो स्थानमा उक्लिएको छ भने टोटनह्याम छैटौं स्थानमा छ ।
टोटनह्यामले घरेलु मैदानमा सन ह्युङ मिनले पहिलो हाफमा गरेको गोल अफसाइड भएपछि अग्रता लिने अबसर गुमाएको थियो ।

पहिलो हाफको अतिरिक्त समयमा लिभरपुलका लागि रोबर्टो फिर्मिनोले गोल गर्दैै अग्रता दिलाएका थिए । उनले साडियो मानेको क्रसमा गोल गरेका हुन् ।

पहिलो हाफमा एक गोल गरेको लिभरपुलले दोस्रो हाफमा २ गोल थपेको थियो भने एक गोल खान पुग्यो । ४७ औं मिनेटमा एलेक्जान्दर आर्नोल्डले गोल गर्दै लिभरपुललाई २–१ ले अघि बढाएका थिए । ४९ औं मिनेटमा पिएर्रे इमिली हजवर्गले गोल गर्दै टोटनह्यामलाई खेलमा फर्काउने प्रयास गरेका थिए ।
६५ औं मिनेटमा मानेले गोल गरेपछि लिभरपुल ३–१ गोल अन्तरले विजयी भयो ।