चौतारा (सिन्धुपाल्चोक) । चौतारा साङाचोकगढी नगर खेलकुद बिकास समितिको आयोजनामा यहि माघ २३ र २४ गते जिल्लास्तरीय कराँते च्याम्पियनसिप २०७७ प्रतियोगिता हुने भएको छ । चौतारा कवर्ड हल सिन्धुपाल्चोकमा हुने उक्त प्रतियोगितामा प्रथम, द्वतिय तथा तृतिय हुने खेलाडीहरुलाई क्रमशः रु. ३५ हजार, २० हजार र १५ हजार पुरस्कार स्वरुप प्रदान गरिने आयोजक संस्थाले जनाएको छ ।

कोभिड– १९ का कारण कुनै पनि किसिमको खेलकुद गतिविधि नभएको अवस्थामा यस प्रतियोगिताले कराँते खेलाडीहरुमा शारीरिक, मानसिक पिडाबाट मुक्त हुँदै नयाँ जोश जागर र आत्मबिश्वास बढाउने उद्देश्यले प्रतियोगिता आयोजना गर्न लागिएको हो । उक्त प्रतियोगितामा प्रथम, द्वितीय र तृतीय हुने खेलाडीहरुलाई नगदसहित प्रमाणपत्र, मेडल तथा शिलको ब्यबस्था गरिएको छ ।

साथै यस प्रतियोगिता सम्पन्न गर्नको लागि १३ नम्बर वडा कार्यालय ठुलोसिरुबारी, सिन्धुपाल्चोक खेलकुद बिकास समिति र ठुलोसिरुबारी डोजोको सहकार्यमा प्रमुख भुमिका हुने आयोजक कमिटीका कराँते बिभाग प्रमुख गङ्गा श्रेष्ठले जानकारी गराए ।