इंग्लिस प्रिमियर लिग फुटबलको शीर्ष स्थानमा उक्लने अवसर म्यानचेस्टर युनाइटेडले गुमाएको छ । वुधबार राति भएको खेलमा शेफिल्ड युनाइटेडसँग २–१ गोल अन्तरले पराजित भएपछि यो अबवसर गुमाएको हो ।

युनाटेड तालिकाको दोस्रो स्थानमा छ भने शेफिल्ड पुछारमा रहँदै रेलिगेशनकको संघारमा रहेको छ ।

म्यानचेस्टरको मैदान वल्ड ट्रोफेटमा शेफिल्डले २३ औं मिनेटमा किन ब्रायनले गोल गर्दै अग्रता दिलाएका थिए ।

पहिलो हाफमा एक गोलले पछि परेको म्यानचेस्टर युनाइटेडले ६४ औं मिनेटमा बराबरी गोल गरेको थियो । उसका लागि कप्तान ह्यारी मगायरले गोल गर्दै खेलमा फर्काएका थिए । तर, ७४ औं मिनेटमा ओलिभर बुर्केले गोल गरेपछि शेफिल्डले जारी सिजनमा दोस्रो जित निकाल्न सफल भयो । यो जित सन् १९२२ पछि म्यानेस्टर युनाइटेडविरुद्ध शेफिल्डको पहिलो जित हो ।

नतिजासँगै सेफिल्डले २० खेलबाट ८ अंक बनाएको छ । पराजित भएको म्यानचेस्टर युनाइटेड समान खेलबाट ४० अंक जोड्दै दोस्रो स्थानमा रहँदा शीर्ष स्थानको म्यानचेस्टर सिटीको ४१ अंक छ । तर, सिटीले एक खेल कम खेलेको छ ।