बार्सिलोना स्पेनिस कोपा डेल रे को क्वाटरफाइनलमा प्रवेश गरेको छ ।

गएराति भएको खेलमा लियोनल मेस्सी दुई खेलको प्रतिवन्ध पछि मैदान उत्रदा उनकै गोलको मद्दतले बार्सिलोनाले रायो भालेकानोलाई पराजित गर्दै क्वाटरफाइनलमा स्थान बनाएको हो ।

पहिलो हाफ गोलरहित बराबरीमा सकिएको खेलमा रायो भालेकानोले ६३ औं मिनेटमा अग्रता बनाएको थियो ।

फ्रान गार्सिया टोरेसले गोल गरेपछि वार्सिलोन एक सून्यले पछि परेको थियो । ६९ औं मिनेटमा लियोनल मेस्सीले गोल गर्दै बार्सिलोनलाई खेलमा फर्काएका थिए । ८० औं मिनेटमा फ्रेंकी डी जोङले गोल गरेपछि बार्सिलोनाले २–१ ले जित निकाल्न सफल भयो ।