काठमाडौँ – काठमाडौँको लैनचौरबाट एक थान कटुवा पेस्तोलसहित एक व्यक्ति पक्राउ परेका छन् ।

पक्राउ पर्नेमा सिन्धुपाल्चोक भोटेचौर गाउँपालिका–३ घर भई काठमाडौंको सामाखुसी टाउन प्लानिङ्ङ बस्ने २८ वर्षका कृष्ण चौलागाईं छन् ।

सशस्त्र प्रहरीको इन्टेलिजेन्स ब्युरोले विशेष सूचनाको आधारमा उनलाई पक्राउ गरेको हो ।

सशस्त्र प्रहरी बल, नेपाल नम्बर २४ गुल्मबाट खटिएको एपिएफ टोलीले चौलागाईलाईं कटुवा पेस्तोल तथा सोको एक थान गोली र एउटा मोबाइल सेटसहित पक्राउ गरेको हो ।