काठमाडौं । बितेको २४ घण्टामा ३ हजार ८ सय १९ को पिसिआर परीक्षण हुँदा २ सय ४० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। योसँगै हालसम्म कुल संक्रमित २ लाख ६७ हजार ६५ पुगेको छ। हालसम्म २० लाख ८ हजार ९ सय ४४ जनाको पिसिआर परीक्षण भएको छ।

त्यसैगरी, ४ सय ७७ जना संक्रमणमुक्त भएका छन्। हालसम्म २ लाख ६१ हजार ४४ संक्रमण मुक्त भइसकेका छन्। थप ६ जनाको मृत्यु भएको छ। कुल मृतकहरूको संख्या १९ सय ५४ पुगेको छ।