अमेरिकाको शिकागोमा एक व्यक्तिले गोली प्रहार गरी ३ जनाको हत्या गरेका छन् । घटनामा ४ जना घाइते भएका छन् ।

शिकागो विश्वविद्यालयमा प्रवेश गरेका ती बन्दुकधारीले ३० वर्षिय एक छात्रको टाउकोमा गोली प्रहार गरेपछि एक अपार्टमेन्टमा प्रवेश गरी सुरक्षागार्डमाथि गोली प्रहार गरेका हुन् ।

सोही अपार्टमेन्टमा रहेकी एक महिलालाई गोली प्रहार गरेका ती व्यक्तिले एक पसलमा प्रवेश गरी गोली प्रहार गर्दा २० वर्षका एक व्यक्तिको मृत्यु भएको छ ।

त्यस लगत्तै ती व्यक्तिले १५ वर्षकी किशोरीमाथि गोली प्रहार गरेको समाचारमा जनाइएको छ ।

अन्तिम पटक एक रेष्टुराँमा प्रवेश गरी एक महिलाको गोली हानी हत्या गरेको ती ब्यक्तिको प्रहरीको जवाफी कारवाहीमा मृत्यु भएको छ ।