काठमाडौं । सत्तारूढ नेपाल कम्युनिष्ट पार्टी नेकपा का नेता वामदेव गौतमले देश र विदेशका कम्युनिष्ट विरोधीहरूलाई हसाउँदै शुरू भएको लडाई बन्द गर्न र एकतामा फर्कन नेताहरूलाई आग्रह गरेका छन्‌।

नेकपा राष्ट्रिय एकता अभियानका संयोजकको हैसियतबाट गौतमले अपील जारी गरेका हुन्‌। विज्ञप्तिमा उनले पार्टी विभाजनउन्मुख हुनु नेताहरूको अयोग्यता कारक भएको पनि उल्लेख गरेका छन्‌।

​आफू दुबै समूहलाई समर्थन नगरी नेपाल कम्युनिष्ट पार्टी नेकपा एकता राष्ट्रिय अभियानको संयोजक बनेर खडा भएको र अन्तर्विरोधहरूलाई पार्टी पद्धति अनुरुप सम्मानजनक ढंगबाट हल गर्न गौतमले आग्रह गरेका छन्‌।