काठमाडौं – महामारीका रुपमा फैलिएको कोरोना भाइरस संक्रमणले आज पनि विश्व त्रासमै छ। त्यस माथि रुप परिवर्तन गरेर नयाँ भाइरसको त्रास यसैमा थपिएको छ। गएको २४ घण्टामा विश्वमा कोरोनाबाट सात लाख ७९ हजार १९६ मानिस संक्रमित भएका छन। यस अवधिमा १४ हजार १०१ जनाले ज्यान गुमाएका छन्।

आजसम्म विश्वमा कोरोना संक्रमितको संख्या आठ करोड ९२ लाख ९० हजारभन्दा बढी पुगेको छ भने यस महामारीबाट मृत्यु हुनेको संख्या १९ लाख २० हजार २२१ नाघेको। थपिएका संक्रमितमध्ये अमेरिकामा सबैभन्दा बढी दुई लाख ६३ हजारभन्दा बढी छन्। २४ घन्टामा अमेरिकामा कोरोना भाइरसबाट तीन हजार ४१३ जनाको मृत्यु भएको छ ।