काठमाडौँ – प्रधानमन्त्री केपी शर्मा ओलीको समर्थनमा नेकपा ओली समूहका कार्यकर्ताले काठमाडौँमा शक्ति प्रदर्शन गरेका छन्।

आइतबार दिउँसो पार्टीको विद्यार्थी संघठन अनेरास्ववियूको आयोजनामा प्रदर्शन गरिएको हो।

बबरमहलको कार्की व्याङकेटमा कार्यकर्ता भेला सुरु हुनुअघि युवाहरुले मोटरसाइकल र्‍याली निकालेर शक्ति प्रदर्शन गरेका हुन्। उक्त भेलालाई प्रधानमन्त्री केपी शर्मा ओलीले सम्बोधन गर्ने कार्यक्रम छ।

मोटरसाइकल र्‍यालीमा सहभागी कतिपय युवाहरुले हेल्मेट नलगाएको देखिन्थ्यो । भेलामा ओलीसहित समूहका अन्य उच्च नेताहरुले पनि सम्बोधन गर्ने कार्यक्रम रहेको छ।

ओलीले शनिबार प्रज्ञा प्रतिष्ठानमा आयोजित कार्यकर्ता भेलालाई सम्बोधन गरेका थिए। उक्त सम्बोधनका क्रममा ओलीले उखान टुक्काहरुमार्फत प्रचण्ड–नेपाल समूहलाई कटाक्ष गरेका थिए।