मार्कस रासफोर्डले इन्ज्यूरी समयमा गोल गरेपछि वुल्भ्सलाई १–० गोलले हराएर म्यानचेस्टर युनाइटेड इंग्लिस प्रिमियर लिगको दोस्रो स्थानमा पुगेको छ ।

नियमित समयमा पाहुना टोली वुल्भ्सले ओल्ड ट्राफोटमा बहादुरीपूर्ण प्रदर्शन गरेको थियो । अन्तिम एक मिनेट संहालिन नसक्दा उसले अंक गुमायो ।

इन्ज्यूरी समयको तेस्रो मिनेटमा बुर्नो फर्नान्डेजको पास उपयोग गरी रासफोर्डले निर्णायक गोल गरेका हुन् ।

जितपछि १५ खेलबाट ३० अंकसहित युनाइटेडल दोस्रो स्थानमा पुगेको हो । समान खेलबाट शीर्ष स्थानमा रहेको लिभरपुलको २ अंक बढी छ । तेस्रो र चौथो स्थानमा रहेका क्रमसः लेस्टर र एभर्टनको समान २९ अंक छ ।