इंग्लिस प्रिमियर लिगमा आर्सनलले चेल्सीलाई ३–१ गोल अन्तरले पराजित गरेको छ । २ महिनायता आर्सनलले प्रिमियर लिगमा निकालेको यो पहिलो जित पनि हो ।

गत, नोभेम्बर १ मा म्यानचेस्टर युनाइटेडमाथि जित हासिल गरेयता आर्सनलले प्रिमियर लिगमा लगातार ७ खेल जित्न सकेको थिएन । जितपछि १७ अंकसहित आर्सनल १४ औं स्थानमा उक्लिएको छ ।

आर्सनलको जितमा ३४ औं मिनेटमा अलेक्जान्द्रे लाकाजेट्टेले पेनाल्टीमार्फत गोल गर्दै शुरुवाती अग्रता दिलाएका थिए । पहिलो हाफको ४४ औं मिनेटमा ग्रानित जाकाले गोल गर्दै आर्सनलको अग्रता दोब्बर पारे ।

पहिलो हाफमा २ गोल गरेको आर्सनलले दोस्रो हाफमा एक गोल थपेको थियो भने एक गोल खान पुग्यो । ५६ औं मिनेटमा बाकायो साकाले गोल गरेपछि आर्सनल तीन–सून्य गोल अन्तरले अघि बढ्यो । तर ८५ औं मिनेटमा चेल्सीका लागि ट्यामी अब्राहमले गोल फर्काए पनि हार टार्न भने सकेनन् ।