आर्सनललाई स्तब्ध पारेर म्यानचेस्टर सिटी काराबाओ फुटबलको सेमिफाइनलमा प्रवेश गरेको छ । गएराति घरेलु मैदानमा भएको खेलमा आर्सनल साबिक विजेता म्यानचेस्टर सिटीसँग ४-१ गोलले पराजित भएको हो ।

सिटीको जितमा गाब्रियल जिसस, रियाद महरेज, फिल फोडिन तथा एमेरिक लापोर्तेले गोल गरे । आर्सनलका लागि एलेक्सान्डर लाकाजेटीले एक गोल गरेका हुन् ।

अर्को खेलमा न्यूक्यासल युनाइटेडमाथि एक शुन्यको जित निकालेर ब्रेन्टफोर्ड पनि अन्तिम चारमा पुगेको छ । ब्रेन्टफोर्डका लागि जोश डासिल्भाले गरेको गोल नै निर्णायक भयो ।

ब्रेन्टफोर्ड क्लबको इतिहासमा पहिलो पटक प्रमुख प्रतिस्पर्धाको सेमिफाइनलमा पुगेको हो । अर्काे क्वाटरफाइनलमा आज राति स्टोक सिटी र टोटनह्याम तथा एभर्टन र म्यानचेस्टर युनाइटेडबीच प्रतिस्पर्धा हुदैछ ।