इंग्लिस प्रिमियर लिग फुटबलमा चेल्सी विजयी भएको छ । सोमबार राति भएको खेलमा चेल्सीले वेष्टह्याम युनाइटेडलाई ३–० गोलको फराकिलो अन्तरले पराजित गरेको हो ।

चेल्सीलाई जित दिलाउन ट्यामी अब्राहमले दुई तथा टियागो सिल्भाले एक गोल गरेका थिए ।

जितसँगै चेल्सी १४ खेलबाट २५ अंक जोड्दै अंक तालिकाको पाँचौ स्थानमा उक्लिएको छ । शीर्ष स्थानको लिरभपुलको ३१ अंक छ भने २७ अंकको साथ लेष्टर सिटी दोस्रो स्थानमा रहेको छ ।

एक खेल कम खेलेको म्यानचेस्टर युनाइटेड २६ अंकको साथ तेस्रो स्थाानमा रहँदा चोथो स्थानको एभर्टनको पनि २६ अंक नैं छ ।
प्रिमियर लिगमा सोमबार राति नै भएको अर्को खेलमा बर्नलेले वुल्भरह्याम्पटन वान्डरर्सलाई २–१ ले हराएको छ । जितसँगै बर्नल रेलिगेसन क्षेत्रबाट बाहिर निस्किएको छ ।