स्पेनिस ला लिगामा बार्सिलोनाले शीर्ष स्थानमा रहेको रियल सोसिडाडलाई पराजित गरेको छ । गएराति भएको खेलमा सोसिडाडविरुद्ध बार्सिलोनाले २–१ गोलको पुनरागमन जित दर्ता गरेको हो ।
बार्सिलोनासँग पराजित भएको सोसिसाड भने दोस्रो स्थानमा झरेको छ ।

२७ औं मिनेटमा पोर्टुले पास दिएको बल सदुपयोग गरी विलियम डा शिल्भाले पाहुना टोली सोसिडाडका लागि गोल गरेका थिए । तर तीन मिनेटपछि नै जोर्डी अल्बाले बार्सिलोनाका लागि बराबरी गोल फर्काएका थिए ।

पहिलो हाफको २ मिनेटअघि फ्रेन्की डीजोङले गोल गरेपछि बार्सिलोनाले अग्रता बनायो । दोस्रो हाफमा गोल हुन सकेन र अन्ततः बार्सिलोना २–१ गोल अन्तरले विजयी हुन पुग्यो ।
जितसँगै बार्सिलोना १२ खेलबाट २० अंकसहित पाँचौं स्थानमा उक्लिएको छ ।

एट्लेटिको मड्रिड र रियल मड्रिडसँग समान २६ अंक भए पनि सोसिडाड गोलअन्तरमा पछि पर्दै दोस्रो स्थानमा पुगेको हो । एट्लेटिको र रियल क्रमसः पहिलो र तेस्रो स्थानमा छन् ।