इंग्लिस प्रिमियर लिग फुटबलमा म्यानचेस्टर डर्बी बराबरीमा सकिएको छ । शनिबार राति भएको खेलमा म्यानचेस्टर सिटी र म्यानचेस्टर युनाइटेडबीचको खेल गोलरहित बराबरीमा टुंगिएको हो ।

म्यान्चेस्टर युनाइटेडको मैदानमा दुबै टोली गोल गर्न भने असफल रहे । फलस्वरुप दुवै टिमले प्रिमियर लिगमा एक एक अंक थपेका छन् । बराबरीले सिटीलाई भने घाटा भएको छ । सिटी विजयी भएको भए प्रिमियर लिगको शीर्ष चारमा पुग्ने थियो ।

११ खेल खेलेको युनाइटेड २० अंकसहित तालिकाको सातौं स्थानमा छ । १९ अंक रहेको सिटी तालिकाको आठौं स्थानमा छ ।

प्रिमियर लिगकाे अन्य खेलमा एस्टन भिल्लाले वुल्भसलाई एक सून्य गाेल अन्तरले पराजित गर्दा न्यु क्यासल युनाइटेडले वेस्ट ब्राेम माथि २-१ गाेल अन्तरकाे जित दर्ता गरेकाे छ । 

त्यसैगरी एभर्टनले चेल्सीमाथि १-० गाेल अन्तरकाे जित दर्ता गरेकाे छ ।